دخول الشركاء

سافر بين المحافظاتبكبسة وحدة

بولمان، تكسي سفر، سيارة مشاركة أو طيارة. قارن كل الخيارات بمكان واحد، واحجز مقعدك بعربون صغير عبر شام كاش.

ركاب
1
  • مقعدك مضمون بعربون
  • شركات وسائقين موثّقين
  • تذكرة على موبايلك

بدك تبعت غرض لأهلك؟

مستندات، أدوية، هدايا أو كرتونة مونة. منبعتها مع بولمان موثّق وبتتابعها لحد ما توصل.

اشحن طرد

وين عم تسافر الناس

أقرب رحلة وأرخص سعر على الخطوط الأكثر طلباً.

من البحث للمقعد بأربع خطوات

  1. 1

    قارن

    اكتب من وين ولوين، وشوف كل الرحلات مرتبة حسب الأرخص أو الأسرع أو الأفضل تقييماً.

  2. 2

    اختار مقعدك

    بالبولمان بتنقي رقم المقعد، وبالتكسي والسيارة المشاركة بتحدد عدد الركاب.

  3. 3

    ادفع العربون

    حوّل جزء صغير من السعر بشام كاش واكتب رقم العملية. الباقي بتدفعه عند الصعود.

  4. 4

    استلم تذكرتك

    منأكد الدفعة وبتوصلك تذكرة فيها رمز QR. ورجيها للسائق وانطلق.

مسافر بسيارتك ومعك مقاعد فاضية؟

انشر رحلتك، وشارك مصروف البنزين مع ركاب موثّقين، وما تسافر لحالك.

انشر رحلتك

عندك شركة نقل أو مكتب تكاسي؟

اعرض رحلاتك لآلاف المسافرين، واستلم حجوزات مدفوع عربونها بدل الحجوزات الوهمية.

سجّل شركتك مجاناً

أسئلة بتتكرر

ليش لازم ادفع عربون؟+

العربون بيثبّت مقعدك وبيضمن للسائق إنك جاي. هيك منخلص من الحجوزات الوهمية اللي بتضيّع المقاعد على الناس.

كيف بدفع العربون؟+

بعد ما تختار رحلتك منعطيك رقم حسابنا على شام كاش والمبلغ المطلوب. بتحوّل من تطبيقك، وبتكتب رقم العملية بالموقع، ومنأكدلك خلال دقايق بأوقات الدوام.

إذا تأخرت أو لغيت؟+

إذا لغيت قبل الرحلة بـ 24 ساعة بيرجعلك العربون كامل. بعدها العربون بيروح للسائق كتعويض عن المقعد.

مين السواقين بالسيارات المشاركة؟+

كل سائق منتأكد من هويته ورخصته وصورة سيارته قبل ما ينشر أي رحلة، وكل راكب بيقيّمه بعد الرحلة.